پاکستان کے صوبہ سندھ میں دفعہ 144 نافذ

مہر خبررسان ایجنسی نے پاکستانی ذرائع کے حوالے سے نقل کیا ہے کہ پاکستان کے صوبہ سندھ کی حکومت نے شہر میں 90 روز کے لیے دفعہ 144 نافذ کردیا ہےجس کا نوٹی فیکشن جاری کردیا گیا ہے۔ اطلاعات کےمطابق دفعہ 144 کے تحت 4 افراد کے ایک جگہ جمع ہونے، اسلحہ لے کر چلنے، سول کپڑوں میں گھومنے والے سکیورٹی گارڈز، پولیس اور سکیورٹی فورس جیسی وردی پہننے پر پابندی عائد ہوگی جب کہ پولیس، سکیورٹی فورس کی گاڑیوں سے مماثلت رکھنے والی گاڑیوں کے استعمال اور پرائیوٹ گاڑیوں میں پولیس کی گاڑیوں سے ملتی ہوئی لائٹیں لگانے پر بھی پابندی ہوگی۔ ذرائع کے مطابق دفعہ 144 کے پیش نظر شہر میں جلسے جلوس اور ریلیاں نکالنے پر بھی مکمل پابندی ہوگی جب کہ کسی بھی جلسے جلوس اور ریلی کے لیے شہری انتطامیہ سے خصوصی اجازت درکار ہوگی۔